سأظل أحلم بهذا الوطن الجميل. فيه رجال أنيقون ظرفاء ونساء رقيقات يتحدثن كالأطفال وصغار يحلمون كما يلعبون







سكر الأرض

Sunday, February 21, 2010

آآه يا برادعي



آآه يا برادعي
شِد القلوووع.. يا برادعي
مفيش رجوع.. يا برادعي
آآه يا برادعي
آآه يا قلبي

Monday, February 15, 2010

حكايات زمان


مالك يا قلبي
سامعك بِتْئِن
سامعك لكن مش لاقيك
خلاص خلصت حكاويك
ولا تاه حبيبك
وراح حنينك
ومََفضلشِي غير الأنين
وشوية عناوين
وأرقام تليفون
مش عارف بتوع مين
طب لسه فاكر غناويك
ولا نسيت مع السنين
طب وأحلام زمان
واللعب أُدَّام الدكان
وصاحبك سوسو
وحكايات إسمها إيمان
طب فاكر أم نعمات
اللي بتربي أيتام
وعم أبو صالح
وغالية وحماصة
وزينة رمضان
طب فاكر نادية
أم شعر أصفر
وعيون خضرا
ومدرسة عزيز
واللعب اللذيذ
وعم محمد بتاع الفول
و شارع النجوم
وأولاد مرزوق
وصيادين السمك
وكورة في الصندوق
ونوي المشمش
والواد فِرفِشْ
وحكاية سميرة معاك
والمذاكرة جنب الشباك
ومنشية التحرير
وشلة الكورة
وسماح ووفاء وأيمن سمير
طب فاكر رحلة إسكندرية
وتعال نغرق شوية
والواد اللي سرقنا في المية
وسفرية مطروح
مع شلة الجوع الكافر
ولعبة الباشمهندس
وخش الحمام وتربس
ولما فتحت المندل
وطلعت بتحب صندل
يا قلبي إضحك بَأَه
إنسي اللي واجعك
وإفتكر اللي حَبَّكْ
يمكن المكتوب تعيش غريب
لكن متنساش إنك حبيب
والحبيب قلبه بيضحك
ودايماً قريب