قنديل في قلبي

ملعون أبوها الحمامة أم غصن زتون الأبنودي ودراويش الميدان

2012-01-20T22:37:00.000-05:00

عبدالرحمن الأبنودي ورسالة إلى المجلس العسكري

2011-12-19T18:30:00.000-05:00

Hisham Shawky - Resalt Masry Metgharab / هشام شوقي - رسالة مصري مِتغرّب ...

2011-11-30T20:30:00.000-05:00

Cairokee ft Aida El Ayouby Ya El Medan كايروكي و عايده الايوبي

2011-11-29T18:21:00.000-05:00

قمعستان

2011-11-20T10:52:00.002-05:00

لم يبق فيهم لا أبوبكر.. ولا عثمان

جميعهم هياكل عظمية في متحف الزمان

تساقط الفرسان عن سروجهم واعتقل المؤذنون في بيوتهم وألغي الأذان

جميعهم.. تضخمت أثداؤهم وأصبحوا نسوان

جميعهم قد ذبحوا خيولهم وارتهنوا سيوفهم وقدموا نساءهم هدية لقائد الرومان

ما كان يدعي ببلاد الشام يوماً .. صار في الجغرافيا يدعي "يهود ستان"

الله.. يا زمان لم يبق في دفاتر التاريخ لا سيف ولا حصان

جميعهم قد تركوا نعالهم وهرّبوا أموالهم

وخلفوا وراءهم أطفالهم وانسحبوا إلي مقاهي الموت والنسيان

جميعهم تخنثوا .. تكحّلوا .. تعطروا تمايلوا أغصان خيزران
حتي تظن خالداً.. سوزان ومريماً.. مروان

.. الله.. يا زمان

... جميعهم قد دخلوا جحورهم واستمتعوا بالمسك والنساء والريحان

جميعهم مدجن. مروض. منافق. مزدوج.. جبان

هل ممكن أن يعقد الإنسان صلحاً دائماً مع الهوان؟

.. الله.. يازمان
هل تعرفون من أنا؟ مواطن يسكن في دولة "قمعستان"

وإن من أهم صادراتها حقائباً جلدية مصنوعة من جسد الإنسان

... هل تطلبون نبذة صغيرة عن أرض "قمعستان"

وهذه الدولة ليست نكتة مصرية أو صورة منقولة عن كتب البديع والبيان
فأرض "قمعستان" جاء ذكرها في معجم البلدان
.. الله.. يا زمان
تلك التي تمتد من شمال أفريقيا إلي بلاد نفطستان

تلك التي تمتد من شواطئ القهر إلي شواطئ القتل إلي شواطئ السحل. إلي شواطئ الأحزان

وسيفها يمتد بين مدخل الشريان والشريان

.. الله.. يا زمان

ملوكها يقرفصون فوق رقبة الشعوب بالوراثة ويكرهون الورق الأبيض. والمداد. والأقلام
وأول البنود في دستورها: يقضي بأن تلغي غريزة الكلام في الإنسان
.. مواطن يحلم في يوم من الأيام أن يصبح في مرتبة الحيوان

مواطن أنا.. يخاف أن يقرب زوجته قبيل أن تراقب المباحث المكان

أخاف أن أدخل أي مسجد كي لا يقال إني رجل يمارس الإيمان

كي لا يقول المخبر السري: إني كنت أتلو سورة الرحمن

... هل تعرفون من أنا؟ مواطن يسكن في دولة "قمعستان"
.. مواطن يخاف أن يجلس في المقهي لكي لا تطلع الدولة من غياهب الفنجان
مواطن أنا.. من شعب قمعستان

--------

نزار قباني

2011-11-20T10:49:00.002-05:00

من بغداد التي تنوح
من شام دام ويمن مجروح
من خليج ضال ومغرب يزداد غروب
أنتي الوجه الصبوح
وأنا.. أنا لا زلت نوح
-------
آآآه يا قلبي

حدوتة مصرية رائعة

2011-10-28T19:03:00.000-05:00

كايروكي - افرد جناحك - Cairokee

2011-08-07T13:42:00.000-05:00

ما كنت أتمناه ثوريا

2011-08-06T17:48:00.002-05:00

بينما كان المصريون يحتفلون فى الشوارع، مساء 11 فبراير، ابتهاجا بخلع مبارك، كان المجلس العسكرى فى اجتماع طارئ لتنفيذ مطالب الثورة بلا تأجيل، بعد ظهر اليوم التالى أصدر المجلس إعلانا دستوريا موجزا يحدد صلاحياته، واستدعى لجنة من الخبراء الدستوريين، وكلفها بوضع مسودة لدستور جديد، وبعد شهر جرت انتخابات هيئة تأسيسية ناقشت مشروع الدستور، وانتهت من تعديلاته خلال شهرين، وافق المصريون فى شهر مايو على الدستور الجديد بأغلبية ساحقة، وبدؤوا الاستعداد لإجراء الانتخابات البرلمانية فى سبتمبر، والرئاسية فى نوفمبر، بعد أن حدد الدستور الجديد صلاحيات البرلمان والرئيس.

بينما كان القانونيون منشغلين بالدستور، تفرغ المجلس لعدة ملفات على التوازى، بدأ طبعا بالشهداء، وبعد أن استقبل أهاليهم وكرمهم فى احتفال مهيب بقاعة المؤتمرات، وصرف تعويضات لهم فورا، أصدر قائد المجلس الأعلى قرارا فوريا بعلاج الستة آلاف مصاب فى المستشفيات العسكرية، وفى الأسبوع الثالث من فبراير، أنهى المجلس خدمة حكومة أحمد شفيق، وكلف المستشار زكريا عبد العزيز بتشكيل حكومة وحدة وطنية، كان أبرز عناصرها المستشار هشام بسطاويسى وزيرا للعدل، وكلفه المجلس بالتشاور مع مجلس القضاء الأعلى لسرعة إصدار قانون السلطة القضائية، تمهيدا لتقديم عناصر النظام السابق إلى محاكمات علنية وشفافة، وتم تكليف الشرطة العسكرية بالتحفظ على رموز نظام مبارك، وتحديد إقاماتهم منذ اليوم الأول، منعا للتلاعب بالأدلة أو تهريب الثروات، وفى المقابل، جرى تكليف المجموعة الوزارية الاقتصادية بدراسة خطة موازنة جديدة، هدفها الأول تطبيق حكم المحكمة بتحديد الحد الأدنى للأجور بمبلغ 1200 جنيه، وانتهت المجموعة الوزارية إلى أن ذلك مستحيل من دون تحديد حد أقصى للأجور فى القطاع الحكومى، وفرض ضريبة تصاعدية على القطاع الخاص، انتهت دراسة الجدوى فى شهر يونيو، ووافق عليها المجلس العسكرى، وأدرجها فى خطة الموازنة الجديدة التى بدأ العمل بها فى شهر يوليو.

مع تطبيق الحد الأدنى للأجور، بدأ الناس يشعرون بثمار الثورة، ما دفعهم إلى تحمل فوضى الانفلات الأمنى، فقد أدى قرار المجلس بالقبض الفورى على القناصة قتلة الشهداء، وإيقاف الضباط المتهمين بالقتل عن عملهم، لحين انتهاء التحقيقات، إلى أزمة واحتجاجات داخل وزارة الداخلية، لكن تلك الأزمة خفف منها القرار الذى اتخذته الحكومة مسبقا بإنهاء خدمة معاونى حبيب العادلى، وتصعيد عناصر ائتلاف ضباط الشرطة إلى مناصب قيادية داخل الجهاز الأمنى، ساعد ضباط الائتلاف فى تنفيذ قرار الحكومة بتركيب كاميرات تليفزيونية داخل أقسام الشرطة لرصد الانتهاكات، وهو قرار قاومه كثير من الضباط، لكن مقاومتهم لم تستمر طويلا بسبب الصلاحيات الجديدة للمجلس القومى لحقوق الإنسان، والذى عيّن مندوبا مدنيا داخل كل قسم شرطة، مهمته إعداد تقارير دورية عن حالة القسم، وأماكن الاحتجاز، وأوضاع المساجين، وكان الملف الأمنى هو الأصعب، لولا القرار الرسمى الذى ألحق عددا كبيرا من خريجى كلية الحقوق بسلك الشرطة، بعد تدريب قصير، ارتدى أولئك زيا خاصا، وملؤوا الفراغ فى القطاعات الشرطية الخدمية، المرور والسياحة والكهرباء والأحوال المدنية، بينما تفرغ ضباط ائتلاف الشرطة للعمل الجنائى وضبط الشارع.

خلال شهرين فقط تم إلقاء القبض على آلاف البلطجية، بعد أن اكتشف المجلس العسكرى أن جميع بيانات البلطجية متوافرة بالتفصيل فى قاعدة معلومات جهاز أمن الدولة، الذى انحل بقرار بعد عشرة أيام فقط من تنحى مبارك، وبمجرد القبض على البلطجية هدأ الشارع دون الحاجة للأحكام العسكرية، وانخفض معدل الجريمة فدارت عجلة الاقتصاد، بعد أن اطمأن أصحاب الأعمال إلى عدم تعرض قوافلهم التجارية إلى السرقة والنهب على الطرق السريعة.. ومع نهاية شهر رمضان لم يكن هناك حديث فى الشارع المصرى سوى عن الانتخابات التى ستشارك فيها عشرات الأحزاب الجديدة، التى تأسست فقط بالإخطار، ودون اشتراطات مالية، ونظر العرب إلى مصر بإعجاب، وهى تستعيد مكانتها بتنفيذ حكم القضاء النهائى بمنع تصدير الغاز إلى إسرائيل، بينما تدفق الفلسطينيون أخيرا بلا عوائق خارج سجن غزة، إذ انتدب المجلس العسكرى عددا أكبر من الموظفين على معبر رفح، حتى لا يضطر المرضى والطلبة الفلسطينيون إلى الانتظار على البوابات لأيام وأيام.. انتهت انتخابات البرلمان فى بداية أكتوبر، وانتهت انتخابات الرئاسة فى النصف الثانى من نوفمبر، وتسلم أول رئيس منتخب السلطة من المجلس العسكرى، وذهب إلى التحرير لزيارة النصب التذكارية الرائعة للشهداء، والتى أقامتها القوات المسلحة على نفقتها، وودع المصريون أبناءهم الجنود العائدين للثكنات، وأحاطوهم بالورود، وهم يهتفون«الجيش والشعب.. إيد واحدة« .

استيقظ إبراهيم وفتح عينيه، واكتشف أنه نعس فى التاكسى، وسمع السائق يقول: اصحى يا أستاذ، معلهش هانزلك هنا.. نزل إبراهيم من التاكسى، ووجد الميدان مغلقا بالمتاريس، وقد وقف داخله شبان غاضبون يهتفون، اقترب منهم وسألهم: هو انتوا معتصمين ليه؟

---------------------------------
منقول.. محمد خير

قتلناكَ.. يا آخرَ الأنبياءْ

2011-07-31T19:42:00.003-05:00

قتلناكَ.. يا آخرَ الأنبياءْ .. قتلناكَ.. ليسَ جديداً علينا .. اغتيالُ الصحابةِ والأولياءْ .. فكم من رسولٍ قتلنا.. وكم من إمامٍ.. ذبحناهُ وهوَ يصلّي صلاةَ العشاءْ .. فتاريخُنا كلّهُ محنةٌ .. وأيامُنا كلُّها كربلاءْ، بات لسان حالنا يُنشد ''قتلناك يا أعظم الثورات.. قتلناك.. ليس جديدا علينا.. إضاعة دماء أبنائنا الشهداء
نزار قباني

يارب

2011-07-22T19:37:00.000-05:00

اللهم اعطنا من صفوة أدم
و من شجاعة نوح
و من خلة إبراهيم
و من صدق اسماعيل
و من رضى إسحاق
...و من حلم يعقوب
و من عفة يوسف
و من فصاحة صالح
و من تسبيح يونس
و من صبر ايوب
و من حكمة لقمان
و من شكر سليمان
و من بينة هود
و من قوة موسى
و من فصاحة هارون
و من علم الخضر
و من دعاء زكريا
و من بر يحى
و من ورع عيسى
و من خلق محمد صل الله عليه وسلم

مطلوب زعيم

2011-07-08T20:31:00.000-05:00

انتي اللي هاجراني

2011-07-02T17:57:00.001-05:00

ليه يا بلدي واجعاني
وعلي طول واخداني بالألم
ولحد امتي ناسياني
ومش طايل غير سواد العلم
حتي العلم طلع براني
شغل صيني علي تايواني
اديني شوية حب
حبة حنان.. أي أمل
أنا بقيت صفر كبير
وزهقت من الفشل
اديني الأمان.. مش أنا اللي خان
اوعي تقولي انك حباني
انتي خطفاني
خاطفة روحي وعقلي وكياني
طفشت.. هاجرت
ولسه مش مريحاني
لسه عايش فيكي
ومكوي بمواويلك
وانتي اللي هاجراني
آآآآآه ياني

متنساش تسلم لي على سيدنا حمزة

2011-05-03T18:43:00.000-05:00

لص... ووغد

2011-05-01T14:56:00.003-05:00

لو كنت نظيف اليد
لحملناك فوق الآعناق
وأهديناك الزهور والورد
وقبلناك علي كل خد
لكنك نكثت كل وعد
...و سرقت الأمس والغد
وقتلت أحلامنا في المهد
اليوم لن يرحمك أحد
ما أنت الا لص... ووغد

أسعد لحظة - د. مصطفى محمود

2011-04-28T18:58:00.002-05:00

سألت نفسي عن أسعد لحظة عشتها ..؟؟
ومر بخاطري شريط طويل من المشاهد ... كل مشهد يحمل لحظة سعادة .... وبعد أن أستعرضت كل المشاهد قلت في سري ... لا ... ليست هذه ....
بل هي لحظة اخرى ذات مساء ... لحظة اختلط فيها الفرح بالدمع بالشكر بالبهجة بالحبور حينما سجدت لله فشعرت أن كل شيء في بدني يسجد ... قلبي يسجد ... عظامي تسجد ... أحشائي تسجد ...عقل...ي يسجد ...ضميري يسجد ... روحي تسجد...
حينما سكت داخلي القلق وكف الاحتجاج ورأيت الحكمة في العدل فارتضيته، ورأيت كل فعل الله خير، وكل تصريفه عدل، وكل قضائه رحمة، وكل بلائه حب ... لحظتها أحسست وأنا أسجد أني أعود إلى وطني الحقيقي الذي جئت منه وأدركت هويتي وانتسابي وعرفت من أنا ... وأنه لا أنا ... بل هو .... ولا غيره...
انتهى الكبر وتبخر العناد وسكن التمرد وانجابت غشاوات الظلمة وكأنما كنت أختنق تحت الماء ثم أخرجت رأسي فجأة من اللجة لأرى النور وأشاهد الدنيا وآخذ شهيقا عميقا وأتنفس بحرية وانطلاق ... وأي حرية .. وأي إنطلاق يا إلهي ... لكأنما كنت مبعدا منفيا مطرودا أو سجينا مكبلا معتقلا في الأصفاد ثم فك سجني ... وكأنما كنت أدور كالدابة على عينيها حجاب ثم رفع الحجاب ...
نعم ... لحظتها فقط تحررت.
نعم ... تلك كانت الحرية الحقة ... حينما بلغت غاية العبودية لله. وفككت عن يدي القيود التي تقيدني بالدنيا وآلهتها المزيفة ... المال والمجد والشهرة والجاه والسلطة واللذة والغلبة والقوة ...
وشعرت أني لم اعد محتاجا لأحد ولا لشيء لأني أصبحت في كنف ملك الملوك الذي يملك كل شيء ...
كانت لحظة ولكن بطول الأبد ... نعم تأبدت في الشعور وفي الوجدان وألقت بظلها على ما بقي من عمر ولكنها لم تتكرر ... فما أكثر ما سجدت بعد ذلك دون أن أبلغ هذا التجرد والخلوص وما أكثر ما حاولت دون جدوى ... فما تأتي تلك اللحظات بجهد العبد ورغبته بل بفضل الرب ...
ولقد عرفت في تلك اللحظة أن تلك هي السعادة الحقة وتلك هي جنة الأرض التي لا يساويها أي كسب مادي أو معنوي
يقول الله سبحانه لنبيه عليه الصلاة والسلام (واسجد واقترب) 19 – العلق.
................................
دكتور مصطفى محمود
من كتاب السؤال الحائر

الثورة الضاحكة

2011-04-22T16:52:00.000-05:00

عشان ولادنا ...هنبنى بلدنا

2011-04-06T19:01:00.000-05:00

إلى «حليم» بعلم الوصول

2011-04-06T18:11:00.003-05:00

هذه الرسالة وجدتها قوات الأمن على قبر المطرب الأسطورة عبدالحليم حافظ في أبريل 2008 بعد بلاغ من مجهول، وتم ضمها لأوراق التحقيق مع مَنْ أُلقى القبض عليهم من شباب ستة أبريل

صديقى العزيز عبدالحليم حافظ.. لا تتصور مدى سعادتى عندما سمعت من زملائى عن قرارك التاريخى بأن تشاركنا فى إضراب ستة أبريل هذا العام، الذى تأخرت فى زيارتك هذا العام بسبب انشغالى فى التحضير له؟ يا الله يا حليم. قرارك يا صديقى جاء فى الوقت المناسب بعد أن كدنا نختنق من حصار الأمن وخذلان النخبة وطناش الناس ورعب الأهل وتشرذم الأصدقاء وتنظيرات الذين ظلوا سنين يلوموننا لأننا ننصرف عن قضايا بلدنا وها هم الآن يركبون على أكتافنا لكى ينظروا ويحللوا ويصادروا علينا حقنا فى الخطأ والتعلم من الخطأ، وفى وسط كل هذا كنا نحتاج إليك يا حليم، لكى تقف معنا، كما وقفت معنا فى كل معركة حب كسبناها أو خسرناها دون أن نخسر أنفسنا وقدرتنا على الحب والأمل،

الآن يا صديقى نعلم أننا سنكون أقوياء بك، وأنهم عندما يعتقلوننا ويوجهون لنا تهمة زعزعة الاستقرار سنصدرك فى وجوههم وسنغنى معك بأعلى حسِّنا: «مش سهل على الشبان.. يسهوا عن الأوطان.. قالوا الحياة غالية.. قلنا الشرف أغلى.. بلادى يا بلادى.. يا عيون قمر الربيع.. اندهى يا بلادى يجاوبك الجميع».

عارف يا حليم.. لنا صديق نضيق أحياناً بتنظيراته الجوفاء يدّعى أنك قررت أن تشارك معنا فى الإضراب لأن ضميرك مثقل بوزر الغناء للحكام، وأصدقاءنا اندفعوا معه فى نقاش حامى الوطيس دفاعاً عنك، وقالوا له إنك لو كنت موجوداً بيننا الآن لما غنيت لأى جمال أياً كان، حتى لو كان جمال عبدالناصر، وعندما طلبوا رأيى بعد أن لاحظوا صمتى، ولأننى أعرف صديقى حق المعرفة، اكتفيت بأن أغنى بأعلى صوتى: «إن مت يا أمى ماتبكيش.. راح أموت علشان بلدى تعيش.. وإن طالت يا أمَّه السنين.. خلّى إخواتى الصغيرين.. يموتوا زيى فدائيين.. وأموت أعيش.. مايهمنيش.. وكفاية أشوف علم العروبة باقى»، وكنت تجىء لتشوف صديقنا وصوته يعلو بالبكاء والغناء معنا، فقد حكى لى كثيراً كيف كان أبوه بطل حرب أكتوبر يغنى هذه الأغنية لهم دائماً فى طفولتهم قبل أن يكبروا ويصبحوا عاطلين عن العمل ولا يطيقون سماعها، وقبل أن يموت أبوهم نفسه من الإهمال فى مستشفى حكومى، ويغرق ابنه الأكبر فى عبَّارة متهالكة فى البحر الأحمر، ويغرق ابنه الأوسط فى مركب هجرة غير شرعية فى البحر الأبيض، ويغرق ابنه الأصغر صديقنا فى بحر أحزانه وهو يرى الأرض التى حررها أبوه وقد صار محرماً عليه أن يسير فيها بحرية ما لم يكن يمتلك ثروة أو نفوذاً.

أعترف لك يا صديقى بأننى كنت أيضاً أضيق بأغانيك الوطنية، بل بكل الأغانى الوطنية، فأنا ابن مرحلة أصبحت فيها الوطنية سخفاً وطنطنة ومزايدة، بعد أن اختطفت لتكون ستاراً لكل صاحب منفعة واقترنت باسم الحزب الذى أفقر المصريين وأمرضهم وأغرقهم فى الجهل، فأصبح الناس يفضلون أن يسخروا من الوطن على أن يغنوا له، ويستسهلون نعيه ورثاءه بدلاً من أن ينفخوا فيه الروح لكى ينهض وينهضوا معه بدلاً من أن يموتوا مختنقين تحت جثمانه، لكنك من حيث لا تدرى فتحت لى ولجيلى أبواب الأمل يا صديقى عندما فتحنا أرواحنا لك وللأبنودى ولبليغ وأنتم تغنون لموال النهار: «والليل يلف ورا السواقى زى ما يلف الزمان وعلى النغم.. تحلم بلدنا بالسنابل.. تحلم ببكرة واللى هيجيبه معاه.. تنده عليه فى الضلمة وبتسمع نداه.. تصحى له من قبل الأدان.. كل الدروب واخدة بلدنا للنهار.. وإحنا بلدنا للنهار.. بتحب موال النهار.. لما يعدى فى الدروب.. ويغنى قدام كل دار»، فحلفنا يا صديقى ألا نسلم أنفسنا ليأس الهزيمة وألا نترك أحداً ينتفع من يأسنا ويستقوى بضعفنا ويزداد ثراء بفقر أرواحنا، وقررنا أن نسير ولو وحدنا فى طريق العبور الجديد لنصنع مستقبلنا بأيدينا ونحلم بنصر جديد على الفساد والظلم والجهل والتطرف، يصحبنا صوتك وأنت تغنى مع محسن الخياط وبليغ لمصر التى لم ولن تكون أبداً ملكاً لحاكم أو منتفع: «لفى البلاد يا صبية.. لفى البلاد يا صبية.. بلد بلد.. باركى الولاد يا صبية.. ولد ولد.. ده المهر غالى وهيجيبوه.. لو نجم عالى.. فى السما راح يقطفوه.. يا فرحتك ساعة ماييجوا يقدموه.. ويغنوا للفجر اللى فى عينيكى اتولد.. ده النصر مهرك.. والعريس ابن البلد».

ويا صديقى عبدالحليم حافظ.. حتى لو لم يأت هذا النصر فى حياتنا.. سنكون سعداء ونحن نرى الأجيال المقبلة تحتفل به معك. طبت حياً وميتاً يا حليم

قولوا لأمى متزعليش

2011-03-21T12:30:00.004-05:00

قولوا لأمى متزعليش

..وحياتى عندك متعيطيش

..قوللها معلش يا امى

..اموت اموت وبلدنا تعيش

!..كل سنه وكل امهات الشهداء طيبين وصابريين

..كل سنه وانتى طيبه يا أمى

.. ابنك فتح السجن ل 85 مليون مظلوم فى مصر

جايلك يا أم العجايز

2011-03-20T08:56:00.002-05:00

رغم اني لم أشارك في الاستفتاء لكني سعيد سعادة لا توصف. انه يوم عيد لنا جميعا. قبول النتيجة مهما كانت سيكون أحلي هدية لأم الدنيا في عيد الأم

أكيد هتكون فيه شوية سلبيات .. معلهش احنا لسه بنحبي و بنتعلم وهنوصل ان شاء الله. أرجو ألا نقف كثيرا أمام تجاوزات أمس ومحاولة توجيه المصوتين لاتجاه بعينه. تعالوا نفكر ونستعد للغد. خطواتنا الجاية ايه؟

احنا عايزين مجهود جبار عشان نوعي الناس اللي في الكفور والنجوع والبوادي هما دول التحدي الحقيقي دلوقتي. الجهل والتخلف هما أكبر عقبة في طريق تقدمنا. أنادي كل فرد من أصول ريفية زي حالاتي كده ينزل البلد ويلبس الجلبية ويقعد يتكلم مع صحابه اللي كان بيلعب معاهم كورة في أجازة الصيف (فاكرين) ليس بهدف توجيه أفكارهم لكن لتثقيفهم وتوعيتهم بالحقوق والواجبات السياسية. عايزين ننور الناس دي بأه لأن هما دول الأغلبية الكاسحة

أنا عن نفسي ناوي أعمل كده أول ما أنزل مصر
جايلك يا أم العجايز :)

جوانا إتولدت حريه

2011-03-11T21:52:00.000-05:00

أجمل فيديو مصرى لهشام الجخ و ثورة الغضب و السعى للحريه مصر 2011

2011-02-27T01:02:00.000-05:00

أنا القديم

2011-02-23T19:36:00.003-05:00

أنا الغريب لكني قريب

وأنا الحبيب لبلدي العجيب

أنا القديم وأنا التراتيل وأنا الترانيم

أنا نقوش الحجر ورسوم البردي

وأرابيسك المواويل

أنا حكايات الزيبق و الهلالي والنديم

وأنا أرض فيروز وطوي و نيل

أنا جذور الشجر وطرح النخيل

أنا حكاوي البحر وأسرار الليل

وأنا قطر نادي وشمس الأصيل

أنا الماضي الجميل وأنا بكره الأكيد

يا بلدي العجيب

تعبت من طول المشاوير

وقتلني الحنين

ضُمني .. حِبني .. ارجعلي

اياك تاني تِبِعني

اوعاك ترجع توجعني

أنـــا راجــــــــــــــــــــــــع

فقط فى مصر

2011-02-18T21:16:00.003-05:00

بقلم: حسن المستكاوي

كان ذلك اسم فيلم وثائقى قصير عن ثورة 25 يناير عرض فى قناة بى.بى.سى، وكتبه الصحفى ناصر فرغلى. عرض الفيلم بعض اللقطات عن تلك الثورة، التى كانت شديدة وفريدة. وهى كانت سلمية من جانب الثوار. بينما سقط فى الثورة 365 شهيدا وآلاف الجرحى، وكان العالم ينتظر ثورة فقراء يرفعون نداء الخبز، لكنها اشتعلت بشباب يهتف مطالبا بالحرية، وشهدت الثورة شبابا وشيوخا وسيدات وأغنياء وفقراء. إنها ثورة جمعت بين كل أطياف المجمع وأبناء الشعب، وكان منهم أصغر ثائر فى التاريخ، وهو طفل عمره لا يتعدى الثلاث سنوات. وفى مصر فقط قامت ثورة واجتمعت الأسر فى ميدان التحرير وصحب الأب زوجته وأولاده للمشاركة فى الثورة

فى مصر فقط كسب رئيسها بعض التعاطف حين ألقى خطابا تحدث فيه عن الحياة والموت فى بلده. وبعد 12 ساعة كان هناك رجال من حزب الرئيس يفسدون هذا التعاطف. إنهم مغامرون بالجمال والجياد شنواحملة على الثوار، فكانت تجسيدا لأفكار جاهلة ذكرتنا بالشعر العربى القديم: «مكر مفر مدبر مقبل معا، كجلمود صخر حطه السيل من عل»، وكان ذلك فى ثورة اندلعت بواحدة من أرقى وأحدث أفكار البشرية

فى مصر فقط قامت ثورة الملايين، وكان سلوكهم قمة فى التحضر. لم تقع حادثة تحرش واحدة وسط ميدان التحرير. وذلك فى مجتمع كان يشكو من حالات التحرش فى بعض الشوارع. وفى مصر فقط مزجت الثورة بين صلوات المسلمين وصلوات الأقباط، وكان ذلك كله فى مجتمع يرفع راية الخوف من الفتنة الطائفية منذ 40 عاما

فى مصر فقط احتفل شباب بالزواج فى قلب الثورة. وكانت خلفية الحفل دبابة أم 60 تابعة للجيش المصرى. وفى ليالى الثورة استدعى الثوار الأغانى الوطنية. أناشيد تغنى بها الشعب فى ثورة 19. وأناشيد انتشى بها الشعب فى ثورة 52، وعلى الرغم من الشعارات الجادة والنبيلة، التى رفعها الثوار عن إسقاط النظام، وعن الحرية والديمقراطية والانتخابات النزيهة وتغييرالدستور، رفعت أيضا لافتات تحمل الكثير من السخرية

فى مصر فقط اندلعت ثورة مذهلة وبيضاء. وقام الثوار بتنظيف ميدان الثورة. وفى مصر فقط نجحت ثورة شعب. ثم قام هذا الشعب بكل ألوان الاحتجاجات. مع أن الثانية تسبق الأولى فى كل الثورات. وفى مصر فقط سرقت أحاديث الجدل حول المؤيدين والمعارضين للثورة، أحاديث البناء والانطلاق نحو المستقبل بقوة الثورة

فى مصر فقط انشغل ملايين المصريين بالرجل الذى وقف وراء عمر سليمان، ولم يشغلهم الرجل الذى وقف أمام الرجل، الذى كان يقف وراء عمر سليمان، وهو يلقى أهم بيان للشعب عن تخلى الرئيس عن السلطة

منقول

لماذا نثور ؟

2011-02-15T20:49:00.000-05:00

بحبك يا بلادى " رسالة شهداء الثورة الى مصر الحبيبة "

2011-02-13T19:06:00.000-05:00

Egyptian Revolution 2011 COMPLETE. World MUST MUST watch this. Freedom f...

2011-02-12T11:07:00.000-05:00

رقصة النصر

2011-02-12T10:43:00.001-05:00

بعد سقوط الطاغية
الفرحة كانت عارمة
لكنها كانت ناقصة
وغلبتني حيرتي
ما ينقص فرحتي
حتي رأيت رقصة الثوار
رقصة النصر
في أرض الميدان
وقتها أدركت
الفرحة الكاملة هناك
في قلب مصر النابض
في ميدان التحرير

Egyptian Revolution - The World Calls for Peace #Egypt #peace

2011-01-31T19:16:00.000-05:00

كارهي السماء

2011-01-31T10:46:00.005-05:00

من وحي ثورة الغضب
-----------------------

أنا الضخم وهم فاتلي البنيان
أنا الكبير بلا أسنان
وهم ذو المخالب والأنياب
أنا الأزرق وأنا الأخضر
وهم شديدي السواد
أنا أعشق السطح قرب الضياء
...وهم بأكفهم الغليظة
يجذبوني نحو الأعماق
أنا الواسع والبحر بين جوانبي
وهم حبيسي الظلام
أنا الفياض وللخير زاد
وهم قابضي الأرزاق
أنا الطليق بلا عنوان
وهم القاضي وهم السجان
أنا راسم الأيام
وهم خانقي الأحلام
أين صائدي لينقذني
أين شباكه لتنشلني
سكينه أرحم من تلك الأنياب
فليقطع من لحمي ويطعم الأشقياء
فليكسر عظامي ويصنع فنارا للضياء
وليأخذ ألواني ويرسم للحرية فسيفساء
ولا يتركني لقمة سائغة لكارهي السماء
ازهقوا روحي
اسلبوا حياتي
اسرقوا أفكاري
ولكن أبدا أبدا لن تقتلوا أحلامي
ولن تغتصبوا حريتي

شعبنا قامت قيامته - 25 يناير

2011-01-28T22:15:00.000-05:00

ثورة الياسمين

2011-01-20T22:15:00.000-05:00

مشارى راشد - الله الله

2010-11-29T19:38:00.001-05:00

جنس غريب

2010-06-28T03:40:00.003-05:00

أصبحت أعيش في إكتئاب متواصل
لم يعد هناك طعم لأي شئ
ولم يعد لدي الرغبة في الإستمرار
كرهت هذا العالم السخيف
ولا أتصور أن أعيش للنهاية غريب
ولا أطيق العودة لأرض الأحزان
ربما هذا هو سر إكتئابي.. أرض الأحزان
لا أكف عن التفكير فيه
أعيش بجسدي هنا لكن قلبي هناك
وكأني مشطور بين عالمين
لم تعد الغربة في المكان
بل في الزمان أيضا
كل شئ أصبح غريب
الوجوه والعيون والكلمات
لقد أصبح البشر جنس غريب
أهي علامات منتصف العمر
أم هي صدمات تراكمت علي مر السنين
لم يبقي في صدري براح
ولم يعد في القلب إحتمال
أحاول أن أستعيدني
أحاول أن أفتح براعمي
وأن أطلق خضاري للنور
وللحياة من جديد
لكن النور بعيد
وظلامي عنيد

شعبنا قامت قيامته - إهداء إلى الشهيد خالد سعيد

2010-06-25T06:28:00.000-05:00

آآه يا برادعي

2010-02-21T21:53:00.003-05:00

آآه يا برادعي
شِد القلوووع.. يا برادعي
مفيش رجوع.. يا برادعي
آآه يا برادعي
آآه يا قلبي

حكايات زمان

2010-02-15T20:32:00.004-05:00

مالك يا قلبي
سامعك بِتْئِن
سامعك لكن مش لاقيك
خلاص خلصت حكاويك
ولا تاه حبيبك
وراح حنينك
ومََفضلشِي غير الأنين
وشوية عناوين
وأرقام تليفون
مش عارف بتوع مين
طب لسه فاكر غناويك
ولا نسيت مع السنين
طب وأحلام زمان
واللعب أُدَّام الدكان
وصاحبك سوسو
وحكايات إسمها إيمان
طب فاكر أم نعمات
اللي بتربي أيتام
وعم أبو صالح
وغالية وحماصة
وزينة رمضان
طب فاكر نادية
أم شعر أصفر
وعيون خضرا
ومدرسة عزيز
واللعب اللذيذ
وعم محمد بتاع الفول
و شارع النجوم
وأولاد مرزوق
وصيادين السمك
وكورة في الصندوق
ونوي المشمش
والواد فِرفِشْ
وحكاية سميرة معاك
والمذاكرة جنب الشباك
ومنشية التحرير
وشلة الكورة
وسماح ووفاء وأيمن سمير
طب فاكر رحلة إسكندرية
وتعال نغرق شوية
والواد اللي سرقنا في المية
وسفرية مطروح
مع شلة الجوع الكافر
ولعبة الباشمهندس
وخش الحمام وتربس
ولما فتحت المندل
وطلعت بتحب صندل
يا قلبي إضحك بَأَه
إنسي اللي واجعك
وإفتكر اللي حَبَّكْ
يمكن المكتوب تعيش غريب
لكن متنساش إنك حبيب
والحبيب قلبه بيضحك
ودايماً قريب

يا فجر

2010-01-01T09:21:00.007-05:00

والله يا فجر إن ماطلعتش

لأطلع أجيبك

لو ورا ١٠٠ ليل أنا هامشيهم

مش راح أسيبك

هامشي عالجمر واتحمل

مش هايأس أبدا وهاكمل

وضروري في يوم سهمي يصيبك

خطوة ورا التانية

الصعب يهون

وهاكون عاقل في زمن مجنون

دنيا ومش دايم حليها

هاقدر عالمر أحليها

والله يا فجر إن ماطلعتش لأطلع أجيبك

هامشي عالجمر واتحمل

مش هايأس أبدا وهاكمل

وضروري في يوم سهمي يصيبك

منقول

أضعف من نفسي

2009-06-22T10:29:00.003-05:00

لما صحيت كالعادة براحتي
و بصيت في مرايتى
شفت واحد تاني
قربت شوية وبصيت تاني
وكأني مش عارفني
إفتكرت النهاردة عيد ميلادي
وحسيت وكأن زماني
مع كل يوم بيعدي
بيرسم خط في وشي
ويسيب علامة في جسمي
يا تري باقي أد إيه مني
يا تري هاعيش أد اللي عاشني
وفجأة شعور ملكني
شعور خايف خوفني
ده ميعاده قرب مني
يوم ما يعاتبني
وحسيت بحنين شوقني
نفسي أفضفض وأبكي
عايز أبوح بالمكنون مني
يا تري هيلومني ويوبخني
ولا هيحضني ويسمعني
مفيش غيره هيفهمني
عايز أحكيله علي ندمي
عايز أقوله علي غلطي
وإن الحمل تعبني
عارف إيه هايقولي
إن مفيش أقوي مني
مع إن مفيش أضعف مني
بس الشهود كلها ضدي
الكل هيشهد ابن آدم هزمني
الجبل هيقول ده كسرني
وأخد الكنوز من بطني
والبحر هيقول ده ركبني
وفي شباكه إصطادني
والريح هتقول ده منعني
وبني حصون تكسرني
والسما هتقول ده ملكني
وبجناحه طار ونفثني
أنا قهرت كل اللي عاندني
وطوعته يطاوعني
كل الشهود ضدي
لكني يا ربي
كنت أضعف من نفسي
أشدها لهداك تشدني تضيعني
حبيتها وكرهتني
إديتني مفتاحها وضاع مني
ونسيت أمانتي ونسيتني
أنا كنت ظالم وأناني
يا تري هاتسامحني
دمعة فرت من عيني
من شرودي فوقتني
لاقيتني لسه بحلق ذقني
ده صحابي مستنيني
النهاردة عاملين بارتي
عشان عيد ميلادي
أنا إيه اللي أخرني
بسرعة خلصت حمامي
وغصت في هدومي وبرفاني
وطرت ألحق أصحابي
إفتكرت وأنا علي بابي
إني ما صليتشي صلاتي
إترددت ثواني
إفتكرت شرودي وهذياني
أقاوم ضعفي ويغلبني
ترددي طال أخرني
هابقي أصلي لما آجي
وفي سكتي وأنا ماشي
وطول ليلي ونهاري
لوم وندم ملازمني
إزاي يا نفسي تلوميني
وإنتي اللي هويتيني
للعب واللهو بتشديني
يارب أنا تعبان ريحني
مين فينا اللي غواني
أنا ولا نفسي اللي كارهاني

وتحسبهم أغنياء من التعفف

2009-05-28T21:56:00.001-05:00

يا سكر الأرض .. يا عبير الأرض .. يا روح الأرض
آآآآه يا وجعي .. يا وجع القلوب .. يا وجع النايات
أيتها الريحانة .. يا زهرة بساتين الجنة
أيتها الحبيبة و القريبة .. يا من عشتي غريبة
ليس لي مكان في عدن لجوارك
وكأنك استأثرت وحدك بحب الله
لم يعد لي وجود
لم يعد لوجودي معني اذا نسيتك
لم يعد للحياة وجود
الأحزان تلاشت أمام دموعك
وضاعت الأحلام والذكريات والأفراح
لم يبقي سوي أصداء نبراتك
تجلجل في أركان كياناتي
ربنا معايا .. هو وحده معايا
الحمد لله .. الحمد لله .. الحمد لله

يا قلب يا أمير

2009-03-16T02:50:00.003-05:00

يا تري يا قلبي لسه زي زمان

نفسك تطير

وبتدور علي جناحين

وعش في أعلي مكان

وعايز تلعب مع العصافير

يا تري لسه جواك نفس الأحلام

رغم طول الأيام

أنا فاكرك لما كنت صَغْير

لسه عايش أحلامك

وخايف أوهامك

ولسه باعشق ألوانك

وفاكر كلامك إن الحب ده خطير

يا تري لسه بتهرب من البنات

ومالَكْش في الغراميات

وتقول بكره.. لما أبقي كبير

وكبرت يا قلبي

وكبرت معاك الأوجاع

وطولت المشاوير

حتي ملامحك إتغيرت

وألوانك إتبدلت

الأحمر مابقاش لون الحب

والأزرق صار لون الحزن

والأخضر فِضِلْ محبوس ورا القضبان

مستنيك تديله العنان

وتعبت يا قلبي من كتر المشاوير

تعبت من الغربة والسفر

وندمت لما هجرت الوطن

وتاهت عناوينك وسط البشر

عارفك بتحن لأرض الجدود

وخايف تخطي الحدود

هنا ضميرك صاحي

وهناك خايف يموت

لساك فاكر يا قلبي إن كل الناس أمامير

كلهم طيبين

ما تعبتش من الأسافين

ده حرامي وده منافق وده أبوه متين

لإمتي يا قلبي هتعيش عبيط

عايزين يدفنوا راسك زي النعام

ويرقصوك زي القرود

ويمشوك عالحيط

عايزين يركبوك زي الحمير

يا قلبي إفهم بأه... ده مش الزمن الجميل

ده زمن الملاعين

شكلهم قريبين... لكنهم قاسيين

مفيش في قاموسهم معني الضمير

إنساهم يا قلبي

لا هتقدر تغيرهم

ولا عمرهم يعترفوا بيك أمير

كل الناس دخلوا الجنة

2009-02-17T16:00:00.008-05:00

إمبارح حلمت حلم غريب

حلمت إن كل الناس دخلوا الجنة

وكل واحد إتجوز حورية

--------------------

في الصبح

إبني صحاني زي كل يوم

حضنته أوي

و إتمنيت يدخل الجنة

ويتجوز حورية

وإستغربت

أول مرة أحس بكده

وبصدق.. ومن قلبي

--------------------

وبعد دش الصبح

لاقيت الفطور

وإبتسامة من وش أمور

إفتكرت الحلم العجيب

وإفتكرت كلامها

لما نخش الجنة إن شاء الله

هتجوزني أنا وحدي

طال سرحاني.. نادتني

مين أخدك مني؟

قلت.. عارفة؟

لما أخش الجنة إن شاء الله

هتجوزك إنتي بس يا عينيه

--------------------

وبعد يومين

مكالمة تليفون

فكرتني بالمرحوم

وكلام الصغير

بابا راح الجنة

إفتكرت حاجات حلوة كتير

وإتعلمت معني جديد

معني حب الحياة

وإفتكرت الحلم العجيب

ناديت صغيره في خيالي

أيوي يا حبيبي بابا في الجنة

وزمانه إتجوز حورية

مش باقي مني

2009-02-05T02:16:00.001-05:00

3'ayar 7erof el3'ona

2009-01-02T21:56:00.001-05:00

رسمت بالألوان

2008-12-23T10:30:00.002-05:00

رسمت بالألوان

رسمت للعالم إبتسامة مليانة حنان

وحصان أبيض بيجري للحرية في الوديان

ورسمت موجة ناعمة هربانة من بحر غرقان

ومن فوق سحابة طايرة علي شكل إنسان

والشمس وراها بتلالي.. بالأصفر والبرتقالي

وبنت حلوة بضفيرة.. لابسة في البراءة فستان

بتجري ورا أماني بجناحات ألوان

في أرض مفرودة بأخضر فرحان

ورسمت حبيبتي واخدة الحب بالأحضان

في إيديها ورود وحكايات وأحلام

بتمد إيديها بكاس.. فيه إكسير للنسيان

والنبي إتوصي يا سحاب

2008-09-09T18:14:00.003-05:00

يا سحاب يا أبيض بلون القطن

بتلف الدنيا وواخد السما بالحضن

إزاي لونك فرحان

وهمومك جبال ومطرك مليان حزن

بتشوف الطيب والشرير

هنا الغني وهناك فقير

وعالم عايش في هزار واستهتار

وشعوب مكوية بالحديد والنار

وناس تعبانة وبطون جعانة

وحيتان سعرانة

ونهبانا وواكلانا

يا عم سحاب

وحياة اللي سماك سحاب

ورسمك وردة وحصان وكتاب

أستحلفك بالوهاب

إتوصي شوية بالأرض الطببة

يعني شوية مطرة علي حبة ندي

يعني تعال عندنا وإستني

بلاش تجري إتأني

عايزين نخضر

وكمان نعمر

وناكل إشي محمر علي معمر

أحسن العيشة بقت مستحيلة

وأنا قليل الحيلة

وعندي عيال وعيلة

والأيام صارت طويلة

والهموم تقيلة تقيلة

والنبي إتوصي يا سحاب

أستحلفك بمسبب الأسباب

تعال اغسل الهباب

وزيح عننا التراب

نضف الضماير وطهر النفوس

رجعنا تاني صحاب وأحباب

فاروق جويدة-هذه بلاد لم تعد كبلادي

2008-08-29T05:54:00.001-05:00

الفاتحة ع الأموات

2008-08-19T06:00:00.003-05:00

من روائع الشاعر علي سلامه

وفضلت استني استني..
لحد ما عدي آخر قطر وفات..
حزنت قعدت أعيط أعيط..
تعبت م العياط..
قلت أتمشي أتسلي..
أتفرج ع الشوارع والناس
والعربيات..
زهقت..
قلت أرتاح..
سندت علي روحي..
اتلخبطت جوايا كل الحاجات..
مديت إيدي ف جيوبي..
لقيت شوية ورق قديم..
وصور وكروت تليفونات..
قلت أكلم مراتي..
افتكرت إنها خدت الدوا..
ونامت من تلات ساعات..
قلت أكلم أخويا..
افتكرت إنه طلع معاش مبكر..
وكاره تاريخه..
ومركز ف التأمينات..
أكلم أختي..
ها تعيد وتقول نفس الحكايات..
أكلم خالي..
افتكرت إنه غتت غتاتة..
ومعايا أنا بالذات..
أكلم خالتي..
قلت يا واد
دي كات خالتي وخالتك..
واتفرقوا الخالات..
أكلم صاحبي صلاح..
افتكرت إنه سافر العراق..
وفي احتمال يكون مات..
قلت أنا أنسي وأعمل دماغ..
بس ما عرفش حد بتاع مخدرات..
قلت أمشي ف مظاهرة..
لقيت العساكر راجعين..
مشطبين علي كل المظاهرات..
قلت أتصل بالسادة المسؤولين..
هايتهموني بإزعاج السلطات..
قلت يارب..
هو أنا إيه..
وليه..
ونسيت إيه..
وقطر إيه ده اللي فات..
الله يرحمك بقي يابا..
والفاتحة ع كل الأموات..

إبن بلدي

2008-07-30T22:46:00.001-05:00

أشوف إبن بلدي ويملاني العجب
في الجيش انطلب
أدي ما وجب
والكبير سرقه ونهب

وظلم وفساد للركب
وباعوله السم في علب
وصبر واحتسب
وفي الآخر إنذل وإنضرب
آآآه يا قلبي

الكلام والحرية والطيران

2008-06-30T12:30:00.005-05:00

يا تري يا وطن زعلان

واخد علي خاطرك

غضبان

يا تري بتقول عليه هربان

بأطلب السماح

حس بيه.. أنا إنسان

عندي طموح.. مليان أحلام

وعايز أعيش في أمان

وعندي إبن صغير

عايز أعلمه الكلام والحرية والطيران

مفضلشي منك غير ذكريات

شوية حجارة ونقوش وأوهام

وكتير من الآلام

حتي ناسك ياوطن

مابقوش زي زمان.. جدعان

نسوا الحب.. نسوا الإخلاص

والوطن إيه غير شوية ناس

عندهم شيء من الإحساس

لكن رغم القسوة

هافضل أحبك

هتفضل في القلب.. في الوجدان

وهتفضل في عيني أحلي الأوطان

إوعي تكون زعلان

وإفتكر إني إنسان

بيحلم بالطيران

. سلام

الوداع يا وطن

2008-06-20T23:06:00.002-05:00

بعد أجازة غير قصيرة في الوطن المكلوم أعود أدراجي مرة أخري لأرض البعاد. لم أجد الوطن الذي أوحشني ووحشني. تغيرت الأرض والناس و الحياة. ألقت القسوة بظلالها علي الوجوه و القلوب والذكريات. اختفي الوطن الحبيب وأصبحت فيه غريب. حتي الأحلام ماتت وأصبحت يا وطن بلا طموح ولا وزلت تنتظر نوح وتبغي طوفان يمسح عنك كل الجروح. الوداع يا وطن.. الوداع يا أرض الأوجاع. لم يبقي منك سوي الأنين. سأغادر.. سأهاجر حتي يظل في قلبي بعض الحنين. سأزورك.. سأواسيك.. سأصلي من أجلك لكني لا أستطيع أن أعيش علي أرضك مكتوف خذلان مقهور. لا أستطيع أن أعيش كالحمار بعد أن وجدت كرامتي. سآخذ بعض الذكريات.. سآخذ بورتريه وسبحة وجمل صغير. وسأحتفظ ببعض الذكريات بعضها حلو وكثيرها مرير. وسأذكر دائما جمال الفل والياسمين وعصير القصب والخروب و رائحة البخور. ستظل في قلبي وسأظل أحبك.. لا أعرف لماذا أحبك ولا كيف والي متي سأعاني من فراقك. ما هو سرك ؟ لماذا دب في قلبي الحنين مع أول خطوة علي سلم الطائرة. كيف تحول الأنين الي حنين في لحظات. هذه المرة أتركك بقلب مكسور. أشعر أني لن أعود وسأعيش في شتات ما حييت. فقد أصبحت الوطن المستحيل. ملأك الكذب والغش والخداع. وتحولت الي تكية للأوساخ. باعوك وباعوني وباعوا كل نفيس وعزيز. لغتهم خد وهات. وحكموك بالمصالح والعمولات. قمعوك بالطوارئ والارهاب. وبخسوا ثرواتك للأعداء. ووهبوهم أرضك مقلب نفايات. نعم هذه هي الحقيقة لقد أصبحت مقلب نفايات. ربما تكون قد فقدت معني كلمة وطن. لكني سأظل مرتبطا بك سأظل أحبك سأظل أتقصي أخبارك سأظل أتوق وأشتاق اليك وأحن لمواويلك وغناويك سأظل أذوب عشقا وعذابا فيك. فلن أجد أبدا أرضا تغنيني عنك. لن أجد عالما أحبه كحبي لك. فأنت جزء كبير مني وأنا جزء صغير منك.

الوداع يا وطن.. الوداع

حنين وأنين

2008-02-27T13:14:00.001-05:00

بين هنا وهناك احتار قلبي المشتاق
هناك حنان وحنين
وهنا ذكريات السنين
في أرضي أجد قوتي وأحكم عالمي و تزيد وسامتي
وفي غربتي تاهت وحدتي وذابت ملامحي وضاع رونقي
كيف أترك الحب والدفا
وأرتمي في أحضان من جفا
لمن أترك شمسي ونيلي وهرمي
وأذهب لبلاد بلا تاريخ ودون ماضي
لماذا أبيع أرضي
وأشتري بنقود بخسة وطن جديد
من فعل بنا هذا؟
اللعنة علي من قهرني في بلدي
اللعنة علي من اضطهدني في أرضي
ولعنات ولعنات علي ضعفي وقلة حيلتي
كيف أترك بيتي للأوغاد
كيف أترك غيطي للأوساخ
سئمت من كثرة التنازلات
وتعبت من حرقة الآهات
متي تحين ثورتي ومتي تهب عاصفتي
أين أمطاري لتغسل قاذورات الملاعين
أين رياحي لتزيل هموم المساكين
أين الزلازل .. أين البراكين
أين أحلام السنين
بين هنا وهناك .. احتار قلبي الحزين
وفضل حالة الحنين .. علي أن يعيش في أنين

مصر

2008-02-10T08:51:00.000-05:00

مصر يا قنديل شمس نور ومنور

والقمر في هلاله أبو ابتسامه عريضه

ونيل بيجري يزغزغنا ويغسل همومنا

بلاقيكي في حنان أمي وسمرة أبويا

بلاقيكي واخواتي جنبي واصحابي حواليا

يا حكاية يوسف يا رسالة موسي

يا رحلة عيسي ووصية محمد

يا أرض الفيروز ياطوي يامقدس

ازاي أكرهك وربنا حبك

ده كل يوم بيعدي غلاوتك بتكتر

عشان كده ابني في حضنك راح يكبر

قصيدة - تبت يدا

2008-01-21T08:43:00.001-05:00

قولوا لأمي إني راجع

2008-01-03T19:59:00.000-05:00

قولوا لأمي إني راجع

مهما الأيام طالت

ومهما الغربة زادت

أنا راجع لأحضانك

ورافع راية وسلام

ومسلملك قلبي سماح

تعبان وجاي أرتاح

قولوا لأمي إني راجع

إحكولها عن طول الليالي

وعن سكوت الشوارع

وبرود المشاعر

وعن هجر الجيران

قولولها عن بنات ألوان

لابسين شورت وعريان

وعن قلبي الهربان

مشتاق لعفة وأحضان

وإحكولها حكاية سعد

اللي خلف ولد

الواد كبر واتمرد

وسمي نفسه مارك

قولوا لأمي إني راجع

راجع وكلي حنين

أعوض صبر السنين

ألعب كورة وأتعشي في الحسين

أسهر للصبح وأتمشي عالنيل

وأقعد عالقهوة مع مينا وأمين

وأفطر شاي وقراقيش من إيديكي الحلوين

مقالة أعجبتني

2007-11-22T12:24:00.000-05:00

مصر التي لا نعرفها.... سحرالجعارة

مثل امرأة "وقور".. نبرة الجدية في صوتها تخفي شبقا لا يهدأ ولا تنطفئ ناره.
مثل امرأة "لعوب".. تسرق منك "الأمان" لتهديك لحظة سعادة لا تكتمل.
بل هي مثل "الحرباء".. لها ألف وجه، تغريك بنظرة.. وتسرق منك نعمة البصر!!.
تمنحك وشاحا أخضر.. وتنزع منك الاستقلال، أو تهديك قلما مداده من دمك!.
يسألونك عن "الوطن".. قل منفاي الأبدي من خريطة الأحياء!!.
ما الوطن إلا "قبر" يضيق بأحلامك.. إذن إليك بكوابيس لا تنتهي:(علي موقع "العربية نت" خبر عن اغتصاب أب لابنته طيلة أربع سنوات.. يا شماتة دول الشذوذ الجنسي فينا).. إنها "مصر" التي لا نعرفها.
كيف تحولت "العشوائيات" إلي مقر دائم لزني المحارم؟.. فتش عن "الفقر".. وتداعيات العنوسة والقهر.. طالب حكومة "نظيف" بنشر قوائم مليون ونصف شاب وظفتهم، علي موقع الحزب الأليكتروني.
يسألونك عن "الانتماء".. قل أن أعود في نعش طائر لأدفن في بلدي: ( قد يكون النعش "عبارة" موت ترفع اسم السلام.. لكنه أرحم من "كفيل" ينتهك رجولتي في بلاد الغربة).
لماذا لا تنظر علي مصر "من فوق"؟.. من مرتفعات القطامية مثلا أو جبال البحر الأحمر.. انظر إلي "الشمال": شاطئ ممدود للأحلام ، لا تحده سياج الفقر.
ألست عضوا في "نادي المليونيرات"؟
مصر الأثرياء.. أغوتني كثيرا.. لكنها لا تمنح نفسها إلا لحاشية البلاط الملكي.
مصر التي أعرفها.. مملكة الظلم وعاصمة الفساد والاستبداد.
أين ذهبت الطبقة الوسطي "حاملة القيم".. تهشمت تحت أقدام الأثرياء الجدد ، الشريحة العليا منها تناضل من أجل "الستر" لا أكثر.. والشرائح الأخري توزعت بين جيوش العاطلين.. وصفوف الإرهابين.
هل تصمد "القيم" أمام صرخة طفل جائع !!.
يسألونك عن "الشرف".. يقولون إنه يسكن فوق الخصر وليس تحته.
شرف الرجال.. ضمير لا يقبل الرشوة ولا يقدمها، "كلمة" لا ترد وليس وعدا للاستهلاك السياسي.. إذن كيف تعرف شرفاء الوطن؟.. أجدهم دائما (في الظل).. إنهم منبوذون -بشكل ما-:"السلطة تضن عليهم بقطعة أرض.. أو حصانة.. أو مساحة إعلامية قصيرة..ملامحهم تشبهني، ربما في الحزن المحفور علي جبيني".
اسرق، بدلا من الحقد الطبقي.
لم يعد في البلد ما يغري بالسرقة!.. "الشلة" تقاسمت "التورتة".. وطرحت ما تبقي في "المزاد العلني" للمحظوظين والأشقاء العرب!. حتي "المزاد" في بلادي يتم تفصيله علي مقاس جماعة المصالح المشتركة. يسألونك عن "الحدود".. قل وطني محاصر بسخط "البدو" وألغام "النوبة".. وطني مفخخ بالاضطهاد والإرهاب.. وجيوب الفتنة المزروعة في الخضرة والصحراء.
يسألونك عن "الديمقراطية".. قل هي أن تسجل رأيك لتليفزيون الدولة، ثم يحذف في المونتاج!. فإن بحت به للفضائيات يدون اسمك في قائمة الخونة والعملاء!.. الديمقراطية في بلادي تختبئ في لعنة المادة (76)، إنها تكريس لعبادة الفرد (حاكما كان أو وريثا).. و"كهنة المعبد" يتفننون في أشكال العبادة، بتزوير الانتخابات، وسن التشريعات، والتعذيب في السجون والمعتقلات.
ما الديمقراطية إلا حرية النظام في سلب حريتنا، وانتهاك حقوقنا!.
تظاهر.. أو اضرب عن الطعام.. اعتصم في موقعك.
أخشي التحرش الجنسي، ولا أحبذ مواجهة الرصاص المطاطي، ثم أن "عبد القدوس" احتكر صوتنا جميعا في ميكرفونه!!
هل تكره هذا البلد؟.. أنا "مصلوب" علي بوابته ، أصبر نفسي بترانيم عشق، أنتظر فارسا يحررها ليحررني.. ألا يعد تزوير الانتخابات اغتصابا للسلطة؟.
ارحل من هنا.. ومن يدفع ضريبة الوطن بدلا عني.. أنا "باق" ليجد النظام شعبا يجلده.. أنا "موجود" لأحصي الخسائر ، وأسجل الهزائم.. أنا صوت المحرومين ، وأنين المظلومين.. لكنني صوت مشنوق بأحبالي الصوتية.. فهل تسمعني؟
أنا هنا لأتألم.. من يبكي عرض "الصبية" التي اغتصبها أبوها..
ياااااااه.. إنه مشهد مطابق لعلاقة النظام بالوطن ، طوال ربع قرن!!.

يا عالي

2007-11-15T06:31:00.000-05:00

اللهم يا عالي

يا متعالي

يا من هو في السماء عالي

يا عالما بحالي وأحوالي

أرسل قاضي الفرج

وأرسل مفاتيحك

وأحلل أقفالي

يا من لا يغيب عني

ولا ينساني

منقول

كيلو بتنجان

2007-08-31T04:39:00.000-05:00

يارب نفسي أكون سوبرمان أو باتمان أو سبيدرمان

ولا حتي جعفرمان

يمكن أقدر أطهر الأوطان

ولا أقولك بلاش

خليني كيلو بتنجان

أدوب في طبق مسقعة

أو يخللوني في برطمان

أنا تعبت من اليأس.. كرهت الخزلان

زهقت كوني إنسان

أنا منك.. وأنت لي

2007-07-26T15:32:00.000-05:00

ما قيمة القنديل إذا جف زيته

وكيف يكون البحر بدون موج

وماهي السماء التي سقطت عنها النجوم

وما معني الشمس التي أظلمت

هكذا تكون الحياة بلا وطن

كشجرة بلا أوراق

كغزال فقد رشاقته

كجناح لا يرفرف

كطفل بلا براءة

وشباب دون فتوة

وشيوخة بغير تاريخ

أين أنت أيها الوطن

لم أعد أعرفك

هل أنا من إغترب أم أنت

لماذا ذابت ملامحك

لماذا جف حنانك

وكيف تاهت أحلامك

أين أغانيك وحكاويك

أين الهلالي والزيبق والنديم

أهجرتنا أم نحن الذين هجروك

أين حضنك القديم

أين أجدك أيها العزيز

أين أنت يا أرض الأساطير

ألا تفتقدني كما أفتقدك

ألا تحبني كما أحبك

مهما بعدت سوف ألقاك

ومهما إغتربت سوف أحتويك

فأنا منك.. وأنت لي

يارب إنت محيرني

2007-06-24T11:42:00.000-05:00

بجد إنت يارب محيرني

جوايه أسئلة كتير مغلباني

ياريت يارب تريحني

قولي يارب يعني إيه حياة

ويعني إيه موت

وإزاي فكرت في الموت

قولي يعني إيه حياة أبدية

مش قادر أستوعب حالة اللا نهاية

يعني مفيش زمن ؟

طب يعني إيه زمن

وإزاي فكرت تخلق الزمن

يعني إيه أيام وشهور وسنين

وإزاي فكرت في كوكب وشمس وقمر

وإزاي فكرت في المطر والشجر

إيه العبقرية دي يارب

مش بقولك محيرني

طب قولي يارب

يعني إيه ملاك ويعني إيه جان

وليه كان الشيطان

وإزاي فكرت تخلق الإنسان

طب ليه خلقت الإنسان

وإنت عارف إنه هيقتل ويسرق ويظلم

عارف إنك عادل والظلم هترفعه

طب ليه الظلم من الأول

ليه الخير وليه الشر

ليه الكر وليه الفر

إيه هدفك يارب ؟

عايز توصل لإيه ؟

أنا فاكر كلامك لما قلت "كنت كنزا مخفيا فخلقت الخلق فعرفت

وأنا أشهد يارب أنك أجمل ما في الوجود

وفاكر لما قلت "وما خلقنا السماء والارض وما بينهما لاعبين

وأنا متأكد إن مرادك أعظم وأجل

وقلت كمان "ما خلقناهما إلا بالحق ولكن أكثرهم لا يعلمون

طب قولي يارب.. فهمني.. نورني..عايز مننا إيه ؟

إيه اللي إنت هتستفيده مننا في الدنيا وبعد الآخرة ؟

إيه بعد الجنة وبعد النار ؟

إيه بعد إكرام الطيبين وعذاب الأشرار ؟

نفسي أفهم حكمتك

مش بقولك يارب إنت محيرني

طب يارب قولي يعني إيه صبر

وإزاي قادر تصبر علي اللي خذلوك

واللي جحدوك واللي نكروك

إزاي بترزق العاصي والكافر والظالم

إيه كل الصبر اللي جواك ده يارب

طب قولي يارب يعني إيه بر ويعني إيه إحسان

وإزاي عايزني أعيش إنسان

وحواليه وحوش وخونة وغيلان

إنت حطتني في أصعب إمتحان

قولي يارب يعني إيه هداية

وليه إديتها لناس وناس

وليه إخترت ده مهدى وده عاصي

طب يعني إيه إيمان ويعني إيه يقين

وإزاي يكمل الإيمان بدون كامل معرفة

وإزاي يكمل اليقين والإيمان ناقصه حته

مش بقولك يارب إنت محيرني

طب قولي يارب هو يعني إيه ضمير ؟

وإيه الفرق بين إنسان وحيوان لو إنعدم الضمير

وإزاي في ناس عايشة من غير ضمير

هو إنت إزاي فكرت في الضمير

طب هو فين مكانه.. في الروح ولا العقل ولا القلب

إلا قولي يارب هو إنت عندك قلب زينا

يا تري قلبك ده كبير أد إيه

نفسي قلبي يلمس قلبك.. يا تري ممكن ؟

طب هو ممكن أترمي في حضنك

طب يارب هو إنت شكلك إيه

نفسي أوي أشوفك

لدرجة إني بخاف أكون أعبدك عشان بس أشوفك

عارف يارب أنا ليه بعبدك ؟

مش عشان أخش الجنة وأهرب من النار

لا.. أنا بعبدك عشان إنت تستاهل كده

تستاهل أحط راسي في الأرض أدامك

عارف أنا بعبدك ليه كمان

عشان نفسي أكون زي ما إنت عايز

عايزك تفتخر بيه

ببساطة كده.. ومن قلبي.. عايز أفرحك يارب

نفسي أرسم إبتسامة علي وجهك

مع إني مش عارف شكلك إيه ؟

مش بقولك يارب إنت محيرني

لكن اللي بجد محيرني

إزاي قدرت تخليني أحبك

وأنا عمري ما شفت شكلك

ياتري هو ده يقين الإيمان

مش عارف.. أو مش فاهم

ساعات كتير أصبر نفسي

وأقولها هتعرفي كل حاجة في الآخر

لكن أسئلتي محيراني وملهاش آخر

سامحني يارب إذا كنت عديت حدودي

بفضفض معاك يا مالك روحي

عارف يارب.. إنت بالنسبة ليه إيه ؟

إنت الحقيقة الوحيدة في وجودي

ورغم كده.. إنت أكبر غموض في حياتي

مش بقولك يارب أنت محيرني

ياريت تريحني

أيها الآخر خلف المرآة

2007-06-14T06:52:00.000-05:00

SorSARA هذه الكلمات من وحي البوست الرائع حوار معي ل

أيها الآخر خلف المرآة

لماذا إختلفت عني ملامحك

لماذا تبتعد عني وكأني سأفقدك

ولما تكرهني

أي ضغينة تلك التي بقلبك

تقبح وجهك

وتحد من عينيك

وتلذع صوتك

كم أتمني أن أكون مكانك

خلف تلك المرأة

وتأتي أنت إلي عالمي

لتذوق ظلم الأيام

ومرارة الإنهزام

وضياع الأحلام

لطالما نعتني بالمخلوق الطيني

وكأنك تبغض صورتي فيك

أنا حقا طيني

لكن لا تنسي أنك زجاجي

من أعطاك حق الحساب والسؤال

أنصبت نفسك إلها للضمائر

وإعتليت عروش السوية

وتزعمت جيوش القوامة

إنزل إلي عالمي

وأرني مهاراتك وخوارقك

أرني كيف تمسك بسيوف العدول

أرني كيف ستقاتل

والحرية تضيع منك

والقهر يطبق عليك

والأقدار تتلاعب بك

من أين أتيت بقوتك المزعومة

التي رسمت الثقة والغرور علي وجهك

تعال إلي ساحتي

ليعاندك عقلي

ويغالبك قلبي

وتغويك نفسي

أرني كيف تسد هذا الجوع

وتقاوم تلك الريح

وتعتلي هذه الموجة

كم أتمني أن أقف مكانك موقف المشاهد

وأبتسم في سخرية

وأضحك بتهكم

وأنظر في تشفي

أو فلأحطم عالمك الزجاجي

وأفقد رونقي

وأطلق لحيتي

ويهيش شعري

وتضيع أناقتي

وأعيش في كهف

وأفقد عالمي

حتي لا أسمعك تقولها ثانية.. أيها الطيني

الحزن شاطر- علي سلامة, وجيه عزيز

2007-06-07T10:14:00.001-05:00

لابد من بعض الفلسفة أحيانا.. والضحك أيضا

2007-06-02T06:52:00.000-05:00

طالما أسأل نفسي كيف الخلاص ومتي نفيق من غفوتنا وينصلح حالنا وما هو هذا الحل السحري والعبقري الذي سيعيدنا لدرب الحياة من جديد. مرة كنت أتناقش مع صديق عزيز عن هذه المعضلة وسألني هذا السؤال المعضل وأنا أجبته بسخرية مفيش غير حل واحد.. "إن ييجي تنين ضخم لونه فوشيا ينفخ في البلد دي يولع فيها وبعدين نبدأ من جديد علي نضافة". فرد بخفة ظل معهودة فيه "والله هذا هو أسهل الحلول". رده كان بليغ لأقصي حد أضحكني وأبكاني في نفس الوقت. هذا الرد يعكس بفصاحة عن الحالة المتردية التي وصلنا لها التي لا داعي لذكر مفرداتها هنا. كلامه جعلني أشعر بمدي صعوبة بل أكاد أقول إستحالة الإصلاح. ناس طبعا كتير أسمعها الآن تقول "إبدأ بنفسك أولا" أقوله يا سيدي بدأت.. والله بدأت وأخذت علي نفسي عهد ألا يصح إلا الصحيح لكن ماينفعش أبدا لوحدي فقط.. لن أستطيع أن أجذب هذا التنين الفوشيا بمفردي ولن يقدر عشرة أو مائة أو ألف. السؤال الآن كيف نكون مليون؟ وقتها فقط ربما يبدأ التغيير وليس الإصلاح. لأن الإصلاح في نظري يعني الصلاح وهذا هو المستحيل بعينه في هذا الزمان. كثيرا ما أحلم بهذا البطل الذي سيجمع صفوف الأمة ويوحد كلمتها ويلتف حوله المقهورين والمطحونين. هذا البطل الذي يحمل راية الصلاح والإصلاح. يا تري أين هذا الفارس البطل ومتي يأتي وكيف؟ وهل سيأتي ممتطيا ذلك التنين الفوشيا؟ والسؤال الأهم أين سيجد هذا التنين الفوشيا؟

كارهي السماء

2007-05-28T20:08:00.000-05:00

هذه القصيدة مستوحاة من البوست الرائع حتى لا تنسى أنك حوتاً وأزرق وعديم الأسنان من مدونة بنت مصرية

أنا الضخم وهم فاتلي البنيان
أنا الكبير بلا أسنان
وهم ذو المخالب والأنياب
أنا الأزرق وأنا الرمادي
وهم شديدي السواد
أنا أعشق السطح قرب الضياء
...وهم بأكفهم العريضة
يجذبوني نحو الأعماق
أنا الواسع والبحر بين جوانبي
وهم حبيسي الظلام
أنا الفياض وللخير زاد
وهم قابضي الأرزاق
أنا الطليق بلا عنوان
وهم القاضي وهم السجان
أنا راسم الأيام
وهم خانقي الأحلام
أين صائدي لينقذني
أين شباكه لتنشلني
سكينه أرحم من تلك الأنياب
فليقطع من لحمي ويطعم الأشقياء
فليكسر عظامي ويصنع فنارا للضياء
وليأخذ ألواني ويرسم للحرية فسيفساء

ولا يتركني لقمة سائغة لكارهي السماء

ساعات

2007-05-23T04:03:00.000-05:00

إهداء إلي كل معتقل ومظلوم خلف قضبان الظلم والإستبداد

ساعات يا مصر دموعي تخنقني

وصوت البكا يحبسني

ورا حيطان سودا

وقضبان ملاها الصدا

وساعات صوتي يضيع في الفضا

ومن غير صدي

ويبقي نواحي بدون رجا

وساعات أحلامي تطير في الهوا

ومالاقيش لجروحي أي دوا

وساعات أتمني أكون فارس

وأكون للحق أمين حارس

وأحمي كل مظلوم بائس

وكتير عجزي يغلبني

وموج القهر يركبني

وأغرق في قاع يأسي وضعفي

وساعات أتمني أكون نوح

وأستني طوفان

يمحي كل الجروح

( حالة روح (جـ 4

2007-05-12T09:05:00.000-05:00

سابوني في حيرتي حيران.. وكلامهم بيرن في الودان

وصاحبنا بدأ يشوف من العذاب ألوان

ماعدشي يهمني حكاية الخنزير

خلاص أنا سلمته بإيدي لأسوأ مصير

كل اللي عايزه إزاي أمشي من المكان الفقير

....وفجأة

لقيتني أطير.. لا تقولي طير ولا عصافير

الله.. دي حاجة حلوة أوى.. الله الله

الحرية كانت حلم حياتي.. مادوقتهاش إلا في مماتي

لكني لسه ممتش.. لسه بتدب فيه الروح

أنا أصلا بقيت مجرد روح.. أطير وأروح ماطرح ماروح

وشفت إنس وجن وشياطين.. وقابلت أرواح كتير تانيين

وطرت وسط الناس.. وشفت الفرحان والتعيس

ناس بتضحك وناس بتبكي وناس أباليس

وطرت في العالي فوق.. وإتأملت بلدي المخنوق

آآه يا بلد الجدود.. أنا لسه بحبك موعود

فيك كتير ناس طيابة.. وفيك بردو حيتان هلابة

وفهمت ليه مهمتي مخلصتشي.. فيه لسه عصابة مانتهتشي

أنا أقدر أخفف عن المجروح وأقدر أطبطب عالمظلوم

وأقدر كمان أخلي الظالم ما يدوقشي طعم النوم

لازم أدوقكم طعم الكوابيس.. ياللي غلبتوا الأباليس

طب أبدأ بمين , دول زي النمل كتير

..مفيش غير إبن فرعون

أكيد نصبوه أمير
--------------------------------------

إنتهي

( منكر ونكير (جـ 3

2007-05-09T04:26:00.000-05:00

وبعد ما تعبنا.. أخدنا من الخناق هدنة

أخيرا إتفقنا

ولما سكتنا شويتين.. فجأة إنفتح بابين

واحد شمال وتاني يمين

ودخل علينا إتنين

واحد يخضور زي الأمور

والتاني وسيم لكن في هيبته عظيم

راحوا للي كان زعيم.. وقالوله وقعت يا لئيم

سألوه سؤال عسير.. وهو في عرق غزير

وهو يقول يا منكر بيه يا أستاذ نكير

أنا عندي فلوس كتير.. أنا أشتري أي ضمير

هاخلي كل واحد فيكو يعيش أمير

وأنا أضحك عالمغرور.. بقي زي الفار المذعور

وبعد الحساب.. قالوله شوف يا هباب

إنت ماتستاهلش نفتحلك من الجنة باب

لازم تدوق ألوان العذاب

إنت ظلمت ناس ياما.. وعذبت كتير غلابة

كنت فاكر إنك خالد ليوم القيامة

ده كان مكانك في النعيم.. لكن ده مأواك في الجحيم

وأنا خفت وإنهارت.. ونسيت كل اللي حفظت

وقلت لنفسي آه يا غندور.. جه عليك الدور

لكن لاقيتهم ماشيين !!!! ناديتهم علي فين رايحين !؟

إنتوا ليه ناسيني؟ أنا مين هيحاسبني؟

بصولي في إستغراب... ودوروا في الكشوفات

وقالوا إنت إسمك مش في الأموات

تقدر تمشي.. لسه مهمتك مخلصتشي

!!!!....إيه..!! أمشي...!!! مخلصتشي

طب إزاي؟ دا كلام جنان

..يا جماعة.. يا ناس.. قصدي يا ملايكة

!وإختفوا وسابوني في حيرتي حيران

-------------------------------

لمتابعة الجزء الرابع والأخير

( في القبر (جـ 2

2007-05-06T08:30:00.000-05:00

بعد الإنفجار… الكل إحتاس واحتار
إتْنَطَرِتْ الأشلاء وإتْلَخْبَطِتْ الأجزاء
ما حدش عرف مين الطاغية ومين الضحية
ما هو ده حال الدنيا
وفي النهاية.. لموا البقايا
وحطوني في تابوت أنا والطاغوت
وهو يصرخ وينادي.. أنا مَلِكْ الوادي
وأنا خايف منهار.. من رب العرش الجبار
لكن لسه إيدي دايسه عالزرار
وقفلوا علينا القبر أنا وصاحب القصر
صرخت روحه : إزاي تدفنوا الأمير مع الحقير
قلتله : لسه جواك كبر وإنت طولك شبر
وفضل يخانقني ويشتمني ويلّعني
وأنا ألعن عملتي وأقول يا دهوتي
فِضِلّت طول عمري لكرهه أسير
ودِلوقتي يجمعني معاه نفس المصير
كنت أمني نفسي المنون بالرقود في سكون
ودِلوقتي هافضَّل ليوم الدين
أفكر وأخطط إزاي أخلَصْ تاني من هذا اللعين
---------------------------------

لمتابعة الجزء الثالث

(حكايتي مع فرعون : الإنفجار (جـ 1

2007-04-28T10:06:00.000-05:00

هذه الكلمات لا تحمل إلا معاني اليأس والعجز والشعور بالظلم

.. سامحوني جميعا علي هذه الفكرة الموجعة. والآن إلي القصيدة

قعدنا عالقهوة وقالي إنت عبيط

قلتله أنا باحلم حلم بسيط

نادى عالصبي وقالي إزاي؟

قلتله مش عايز أشرب شاي

وسيبته ومشيت وروحت عالبيت

كلمني في التليفون : يا مجنون

فاكر نفسك هتصلح الكون

قلت ده تار ولازم أغسل العار

قال.... هتموت

قلت مش عايز أعيش هلفوت

وتاني يوم وكانت الدنيا صوم

رحت الأوتوستراد.. آخد من العزم زاد

وافتكرت حرب وسلام ومعاهدة وانتقام

واتعجبت علي حال الأيام

بعدها رحت إشتريت حزام.. وكله تمام

وفي اليوم الملعون.. إستنيت فرعون

كان يوم إفتتاح وكانت الدنيا سداح مداح

ناديته يا حامي الأوطان

نفسي آخدك بالأحضان

حاشوني الحراس.. قالهم سيبوه خلاص

جريت عليه وعيني في عينيه

خاف وحاش ونادي يا أوباش

لكني ضميته بإقتدار.. ودست عالزرار

....وكان الإنفجار

--------------------------------

لمتابعة الجزء الثاني

ياباش شاويش

2007-04-20T20:27:00.000-05:00

يا عم الشاويش

بالراحة عليا.. بشويش

أنا عايز آكل عيش

ده في الغلب زيي مفيش

-----------------

يا عم الشاويش

سيبك من أبو الريش

أبو نسر اللي نافش ريش

ده مرسال الخفافيش

-----------------

يا عم الشاويش

وليه التفتيش

ده أبويا مات وأخويا في الجيش

وأمي جوه بتعمل قراقيش

وأنا... أنا مفيش

-----------------

يا عم الشاويش

يا تلحقني يا متلحقنيش

العسكر دول طرابيش

نازلين فيه تلطيش

وإيديهم زي الشواكيش

-----------------

!!! يا عم النيلة إنت

قصدي.. ياباش شاويش

ليه تصدقهم ومتصدقنيش

إحنا مش حرافيش

يمكن غلابة ورزقنا شوية ملاطيش

....... لكننا بنحب

واللي بنحبها يا عيني عليها متقوليش

الهاتك بأمر الله

2007-04-19T09:23:00.001-05:00

حكاية بهية

2007-04-14T17:37:00.000-05:00

بهية قامت تقول حكايتها
يوم ما حبت تغسل هدمتها
راحت لنيلها.. لقيته جف من خيرها
طلعت علي بحرها.. لقيته غرقان في همها
بصت لرملتها.. لقيت الدموع دوبتها
نادت علي أولادها
لقيت الناس مفارقنها.. وهاربانة من أحضانها
خبت الدمعة في منديلها
لمت في هدومها.. وراحت علي بيتها
تستني ابن حتتها
ييجي يلم شملها.. ويطهر أرضها
ويغسل هدمتها

جرح وشرخ

2007-04-09T12:14:00.000-05:00

لما شقيت قشرتي وكنت لسه فرخ

وكان أبويا في شموخه صرح

قالي يابني دنيتنا عز فيها الفرح

والأرض قل فيها الخير والطرح

سألته فين النخل فين الطلح

قالي الظلم ساب في القلب جرح

وعمل في الأرض ميت شرخ وشرخ

حتي أنعم بجمال رؤياكَ

2007-04-06T10:19:00.000-05:00

أيهـــــــــا العــظيــــم ذو الجــــلالاتِ ........ يا عـــــالم الأســــرار والخلجــــاتِ
حيــــواتي أعــيشــها فــي حبـــــــكْ ........ ومـمـــــاتي هـــو خطــــوة لقربـــكْ
ذراتــــي في مـــداراتــها تخشــــــاكَ ....... لكـــن كلــــي لرؤيـتــــك يشتــــــاقَ
جمعت بين الشوق والخشية في القلبِ ....... كما جمعت صفاتك بين العظمة والودِ
ليــــس لقـــــدرك قـــــــدرٌ يقــــــدرهُ ...... وأنا لجـــلالك غيـــر أهــــلٍ لقـــــدرهِ
أشفـــــق علي محــبٍ الحــب لــوعــهُ ....... وأكـــرم عبـــدك برضـــوانٍ ينعمــهُ
فليـــــس للكـــــرم أهــــــلٌ ســـــــواكَ ..... ومـــا المـــني إلا العيــــشَ بقـــــرباكَ
حتي أنعم بجمال رؤياكَ

خايف

2007-04-01T09:44:00.000-05:00

ساعات بقلق بالليل

يعني بالليل شوية كده.. قبل الفجر.. حسب الظروف كده.. بعد العصر

خايف يوم أصحي.. وأفتح الشباك.. مالاقيش مصر

ألاقيها لمت هدومها ومشيت

لمت هدومها علي نيلها علي هرمها وطفشت

وحلفت ميت يمين ماهي قاعدلنا

ماهي زهقت.. تعبت.. إتخنقت

أصلنا زودناها.. أكننا استعمرناها.. ورثناها

مصر البنوتةالحلوة اللي زي القمر

بقت عجوزة وشايبة وبان عليها الكبر

خايف يوم أصحي.. وأفتح الشباك

مالاقيش مصر

الشاعر علي سلامة

السماء أدركها التعب

2007-03-26T12:32:00.000-05:00

السماء أدركها التعب

والسحب تلونت كاللهب

كيف لا والحال قد انقلب

عل أمطارها هي دموع من انغلب

لتغسل بها هموم المنسلب

آآه يا خوفي من مستقبل مضطرب

يغلفه ظلمة والنور محتجب

واللص يعيث في سلب وفي نهب

والكريم زاهد من المعركة قد هرب

والجياع زادوا في كل مكان ودرب

وأضحينا ونمسى في عظيم كرب

أين الشرفاء.. أين نخوة العرب

مصرنا تضيع.. تنتهك.. تغتصب

أين الخيول والسيوف.. أين الحرب

حي علي الكفاح.. فالنضال قد وجب

بئس الحياة إذ ضاعت في لهو وفي لعب

وأهلا بالموت.. ف لله وحده المنقلب

يارب يسر لي طريقا قد صعب

أبغي حقا وعدلا ونورا في القلب

لأعيش حرا وليس ذليلا كالكلب

وأموت في عزة وشرف منتصب

علي أرض الفسطاط

2007-03-25T18:05:00.000-05:00

علي أرض الفسطاط...............قال إيه عملوا تعديلات

ظبطوا القانون تظبيطات......... وملوا الدستور ترقيعات