علي أرض الفسطاط...............قال إيه عملوا تعديلاتظبطوا القانون تظبيطات......... وملوا الدستور ترقيعات
أشتوت أشتات.. أبونا السقا مات
دول يابا شوية عصابات.......... وعملية خد وهات
والحكاية ببساطة يا حضرات....... فرشوا للإبن البساط
أشتوت أشتات.. أبوكو السقا مات
أحسن لنا نلبس ستات........ زمن الكرامة عدي وفات
وبقينا في زمن الظباط...... زمن التوربيني والرقصات
أشتوت أشتات.. أبونا السقا مات
وإنت يا شعب يا شحات....... هتعيش وتموت علي الفتات
لإمتي هتفضل في سبات........ ويسلبوا منك الحريات
أشتوت أشتات.. أبونا السقا مات
يا مغفلين يا مغفلات....... سوف نسئل بعد الممات
ليه قعدنا في المدرجات...... نتفرج ونقول الآهات
أشتوت أشتات.. أبونا السقا مات
مش كفاية تقوم مظاهرات....... مش كفاية معارضة وهتافات
عايزين صحوة وإنقلابات........ عايزين عصيان وثورات
أشتوت أشتات.. أبونا السقا مات
يا مصريين يا مصريات....... هنقول إيه لرب السموات
لازم نقاوم في ثبات........ لازم نحرر أرض الفسطاط
أشتوت أشتات.. أبوكو السقا مات
