سأظل أحلم بهذا الوطن الجميل. فيه رجال أنيقون ظرفاء ونساء رقيقات يتحدثن كالأطفال وصغار يحلمون كما يلعبون







سكر الأرض

Saturday, April 28, 2007

(حكايتي مع فرعون : الإنفجار (جـ 1




هذه الكلمات لا تحمل إلا معاني اليأس والعجز والشعور بالظلم
.. سامحوني جميعا علي هذه الفكرة الموجعة. والآن إلي القصيدة

قعدنا عالقهوة وقالي إنت عبيط
قلتله أنا باحلم حلم بسيط
نادى عالصبي وقالي إزاي؟
قلتله مش عايز أشرب شاي
وسيبته ومشيت وروحت عالبيت
كلمني في التليفون : يا مجنون
فاكر نفسك هتصلح الكون
قلت ده تار ولازم أغسل العار
قال.... هتموت
قلت مش عايز أعيش هلفوت
وتاني يوم وكانت الدنيا صوم
رحت الأوتوستراد.. آخد من العزم زاد
وافتكرت حرب وسلام ومعاهدة وانتقام
واتعجبت علي حال الأيام
بعدها رحت إشتريت حزام.. وكله تمام
وفي اليوم الملعون.. إستنيت فرعون
كان يوم إفتتاح وكانت الدنيا سداح مداح
ناديته يا حامي الأوطان
نفسي آخدك بالأحضان
حاشوني الحراس.. قالهم سيبوه خلاص
جريت عليه وعيني في عينيه
خاف وحاش ونادي يا أوباش
لكني ضميته بإقتدار.. ودست عالزرار
....وكان الإنفجار
--------------------------------

Friday, April 20, 2007

ياباش شاويش

يا عم الشاويش
بالراحة عليا.. بشويش
أنا عايز آكل عيش
ده في الغلب زيي مفيش
-----------------
يا عم الشاويش
سيبك من أبو الريش
أبو نسر اللي نافش ريش
ده مرسال الخفافيش
-----------------
يا عم الشاويش
وليه التفتيش
ده أبويا مات وأخويا في الجيش
وأمي جوه بتعمل قراقيش
وأنا... أنا مفيش
-----------------
يا عم الشاويش
يا تلحقني يا متلحقنيش
العسكر دول طرابيش
نازلين فيه تلطيش
وإيديهم زي الشواكيش
-----------------
!!! يا عم النيلة إنت
قصدي.. ياباش شاويش
ليه تصدقهم ومتصدقنيش
إحنا مش حرافيش
يمكن غلابة ورزقنا شوية ملاطيش
....... لكننا بنحب
واللي بنحبها يا عيني عليها متقوليش

Thursday, April 19, 2007

الهاتك بأمر الله

Saturday, April 14, 2007

حكاية بهية


بهية قامت تقول حكايتها
يوم ما حبت تغسل هدمتها
راحت لنيلها.. لقيته جف من خيرها
طلعت علي بحرها.. لقيته غرقان في همها
بصت لرملتها.. لقيت الدموع دوبتها
نادت علي أولادها
لقيت الناس مفارقنها.. وهاربانة من أحضانها
خبت الدمعة في منديلها
لمت في هدومها.. وراحت علي بيتها
تستني ابن حتتها
ييجي يلم شملها.. ويطهر أرضها
ويغسل هدمتها

Monday, April 09, 2007

جرح وشرخ

لما شقيت قشرتي وكنت لسه فرخ

وكان أبويا في شموخه صرح

قالي يابني دنيتنا عز فيها الفرح

والأرض قل فيها الخير والطرح

سألته فين النخل فين الطلح

قالي الظلم ساب في القلب جرح

وعمل في الأرض ميت شرخ وشرخ

Friday, April 06, 2007

حتي أنعم بجمال رؤياكَ


أيهـــــــــا العــظيــــم ذو الجــــلالاتِ ........ يا عـــــالم الأســــرار والخلجــــاتِ
حيــــواتي أعــيشــها فــي حبـــــــكْ ........ ومـمـــــاتي هـــو خطــــوة لقربـــكْ
ذراتــــي في مـــداراتــها تخشــــــاكَ ....... لكـــن كلــــي لرؤيـتــــك يشتــــــاقَ
جمعت بين الشوق والخشية في القلبِ ....... كما جمعت صفاتك بين العظمة والودِ
ليــــس لقـــــدرك قـــــــدرٌ يقــــــدرهُ ...... وأنا لجـــلالك غيـــر أهــــلٍ لقـــــدرهِ
أشفـــــق علي محــبٍ الحــب لــوعــهُ ....... وأكـــرم عبـــدك برضـــوانٍ ينعمــهُ
فليـــــس للكـــــرم أهــــــلٌ ســـــــواكَ ..... ومـــا المـــني إلا العيــــشَ بقـــــرباكَ
حتي أنعم بجمال رؤياكَ

Sunday, April 01, 2007

خايف


ساعات بقلق بالليل

يعني بالليل شوية كده.. قبل الفجر.. حسب الظروف كده.. بعد العصر

خايف يوم أصحي.. وأفتح الشباك.. مالاقيش مصر

ألاقيها لمت هدومها ومشيت

لمت هدومها علي نيلها علي هرمها وطفشت

وحلفت ميت يمين ماهي قاعدلنا

ماهي زهقت.. تعبت.. إتخنقت

أصلنا زودناها.. أكننا استعمرناها.. ورثناها

مصر البنوتةالحلوة اللي زي القمر

بقت عجوزة وشايبة وبان عليها الكبر

خايف يوم أصحي.. وأفتح الشباك

مالاقيش مصر

الشاعر علي سلامة